كيا مسلمانوں كي معاشي زبوں حالي كے ذمے دار علما هيں

 

مديرِ محترم                          سلام مسنون

 لوگ علماے كرام كے خلاف اتنے جري ، بے باك اور زبان دراز هوتے چلے جا رهے هيں كه جس طرح چاهتے هيں شديد و شنيع انداز ميں كوسنا اور برا بھلا كهنا شروع كر ديتے هيں ۔ پهلے تو دنيا بھر كي عجيب عجيب باتوں كا اپني طرف سے انھيں ذمے دار ٹھهرانے كا فتويٰ صادر كرتے هيں  اور پھر دوسرے هي لمحے ان كي مذمت بلكه وه درگت بناتے هيں كه خدا كي پناهجو كچھ نهيں كهه ڈالتے، تھوڑا هے۔ مسئله كيا هے ، اس كي نوعيت كيا هے ، علما كا اس سے تعلق كيا هے، ان سب سے خالي الذهن هو كر بس هفوات گوئي كرتے پھريں گے۔ اب ديكھيے، يهي كهنا شروع كر ديا كه مسلمانوں كي معاشي زبوں حالي كے ذمے دار علما هيں۔ يه لوگ بچوں كو صرف قرآن و حديث تك محدود كر كے انھيں قلاش اور معاشي اعتبار سے اپاهج و بے دست و پا بنا  رهے هيںاور مسلمانوں ميں بے روزگاري كو بڑھاوا دے رهے هيں۔ يه انتهائي بھيانك اور بد بختانه الزام هے ۔ اظهارِ راے اور تعبيرِ خيالات كي آزادي كے بھي كچھ اصول هيں تو اس حق كے استعمال ميں تجاوز و تعديه حدود كي يه بد ترين مثال هے

افسوس يه هے كه بعض پڑھے لكھے لوگ بھي اب اس طرح كي    غير ذمے دارانه باتيں كرنے لگے هيں ۔ آج كل اخبارات ميں ديكھو تو هر دن كوئي نه كوئي قلم بردار مدارس ميں عصري تعليم كي ضرورت په زور دينے كے درپرده علما پر يهي الزام و اتهام لگاتا نظر آئے گا ، فرسوده خيال اور دقيانوسي جيسي دو چار مهذب و مثقف گالياں بھي دے هي ڈالے گا ۔ الزام كي حقيقت كيا هے اور پھر اس ميں انصاف و ديانت سے كهاں تك كام ليا گيا هے ، اس سے پرے بس ايك هي سوچ اس كے ذهن و دماغ پر بھوت كي طرح سوار رهتي هے كه مولانا طلبهمدارس كا اقتصادي مستقبل تاريك كر رهے هيں۔

 قابلِ غور بات هے كه كيا علماے كرام طلبه كا معاش چھين ليتے هيں كه وه مفلس و كنگال هو رهے هيں يا تجارت و حرفت سے روك رهے هيں كه اب وه پيسه نهيںكما سكتے يا پھر ان پر مزيد حصولِ علم كے ليے پابندي لگا رهے هيں كه وه ڈاكٹر اور انجينيرنهيں بن سكتے۔آخر كيوں اتنا شنيع بهتان علما پر تھوپا  جا رها هے، وه كيوں عقل سے كام نهيں ليتے اور هميشه ايك هي طرح كا سوچتے رهتے هيں اور الزامات كي دھجياں بكھيرتي هوئي اس محسوس اور ناقابلِ ترديد حقيقت كو كيوں نهيں ديكھتے اور سمجھتے كه علما حضرات در اصل معاشرے كے اس دبے كچلے طبقے كے بچوں كو تعليم دے كر انھيں عزت و عظمت ديتے هيں جهاں غربت و افلاس نے آج تك كسي طرح كا چراغِ علم نه جلنے ديا ، جهاں غربت و جهالت لازم و ملزوم سهيليوں كي طرح عرصے سے زندگي گزار رهي هوتي هيں۔ اس سچائي كو طلبهمدارس جو تقريباً سب گاوں هي كے هوتے هيں ، چشمِ سر سے ان كے گھر جا كر بھي ديكھا جا سكتا هے البته انصاف شرط هے كه كسي كے والد پرچون كي دُكان پر خورده فروشي كر رهے هيں كسي كے والدين معمولي درجے كے كسان هيں اور كتنے تو وه هوتے هيں جو تيرے ميرے گھروں كھيتوں يا كارخانوں ميں پچاس ساٹھ روپے كي مزدوري كرتے هيں جو صرف دين كي محبت و حميت ميں اپنے چند بچوں ميں سے زياده محبوب بچے كو مدرسے كے نام پر كسي تعليم گاه سے آشنا كراتے هيں ، هونا تو يه چاهيے كه ان كي قدر كي جائے ، ان كي حوصله افزائي كي جائے ، مزيد حصولِ علم پر اكسايا جائے، ان كي تعليمي ره نمائي كي جائے اور ضرورت پڑنے پر مالي معاونت سے بھي دريغ نه كيا جائے، مگر يه سب نه كر كے الٹے انھيں پست همتي اور احساسِ كم تري كا شكار بنايا جا رها هے۔

 ان غم خواروں سے كوئي يه پوچھے كه آپ كي نظروں ميں يه تين چار في صد بچے تو خار بن كر كھٹك رهے هيں جن كے ناتواں كاندھوں پر اس عالمِ اسباب ميں دين كي تبليغ و ترويج كا بھي دار و مدار هے۔ آپ ان بے شمار مسلم بچوں كے مستقبل پر اظهارِ تفكر كيوں نهيں جتاتے جو چاے اور كھانے كے هوٹلوں ميں پليٹيں اور كپ گلاس دھو دھو كر اپني معصوم عمريں نهايت بے دردي سے ضائع كر رهے هيں، جو شايد هي اس جديد اور متمدن دور ميں كبھي انسان بن كر جي سكيں اور اسي طرح ان بے شمار مسلم نوجوانوں كو روزگار دلانے كے ليے جد و جهد كيوں نهيں كرتے، جنھوں نے آپ كي مرضي كے مطابق گھر كا سارا اثاثه عصري جامعات سے اعليٰ ڈگرياں حاصل كرنے ميں صرف كر ديا مگر آج بھي وه گزر بسر كے ليے پريشان هيں ۔ روزگار كے ليے دھكے كھا رهے هيں۔ ان كے پاس اتنے پيسے بھي نهيں كه رشوت خوروں كو خوش كر كے كوئي چھوٹي موٹي نوكري يا ملازمت حاصل كر ليں يا اپنا مستقل كوئي كاروبار يا تجارت وغيره شروع كر ديں اخلاصِ نيت كا تقاضا تو يهي هے كه پهلے ملت كے ان مكتب نا آشنا معصوم بچوں اور روزگار كي تلاش ميں بوڑھے هوئے جا رهے سند يافته بے روزگاروں سے هم دردي جتائي جائے اور پهلے ان كے قابلِ رحم حالات پر رحم كھايا جائے۔

نيز طلبهمدارس كے اقتصادي مستقبل كو لے كر بے اطميناني و بے چيني كا مظاهره كرنے والے ذرا يه بتائيں كه ملك ميں اب تك كتنے مولانا بھوكے مر گئے اور ان كے آس پڑوس كے ان كے درجے كے لوگ كتني دولت و ثروت كے مالك هو گئے۔ يهي نه كه كوئي بال بنا رها هے، كوئي ديوار چن رها هے، كوئي چوكھٹ اور دروازے ٹھيك كر رها هے، تو كوئي ركشه يا سه پهيه موٹر چلا رها هے، كوئي يهاں هے ، كوئي دلي ميں هے، كوئي سعوديه پهنچ گيا هے۔ نه بيوي بچوں كي فكر، نه بوڑھے ماں باپ كي پروا، بس كمانے ميں جٹا هے، كبھي ماں باپ سے لڑتا هے، كبھي بيوي بچوں سے جھگڑتا هے، كبھي تين طلاق ديتا هے، كبھي هزار طلاق ديتا هے اور قضيه ميڈيا تك پهنچ جاتا هے۔ خود بھي نقصان اٹھاتا هے اور گھر بگاڑتا هے اور اسلام و مسلمين كے ليے بھي حرف گيري و نكته چيني كا باعث بنتا هے اور ننگ و عار ثابت هوتا هے۔ نه چهرے پر داڑھي هے ، نه نماز روزے كا عادي هے، انگريزي لباس پهنتا هے اور مغربي وضع ركھتا هے اور بس كھاتا كماتا هے، نه خود شناس نه خدا شناس، سر تا سر حيواني زندگي۔ جب كه طلبهمدارس جيسے بھي هيں وه دين كو بھي جانتے هيںاور خدا و رسول كو بھي۔ حقوقِ والدين بھي انھيں معلوم هيں اور حقوقِ زوجين بھي اور الحمد لله في زمانه وه انگريزي بھي جاننے لگے هيں ، هندي بھي پڑھ ليتے هيں اور حساب بھي كر ليتے هيں۔ معترضين مدرسوں ميں جا كر ديكھيں تو انھيں معلوم هو كه طلبه انگريزي ، حساب، سياسيات، سائنس، كمپيوٹر، سب كچھ مباديات كي حد تك ضرور پڑھتے سيكھتے هيں۔ اعليٰ عصري تعليم كے ليے بھي فضلاے مدارس ملك كي مختلف يونيورسٹيوں ميں ديكھے جا سكتے هيں، جهاں وه هر طرح كے علمي و اقتصادي مضامين و مادے پڑھ رهے هوتے هيں اور بعدِ فراغت معقول مشاهرے والي ملازمتيں اختيار كر كے بهتر طريقے سے كسبِ معاش و اصلاحِ اقتصاد كرتے هيں۔

بات در اصل يه هے كه اسلام مخالف طاقتيں اب هم پر پوري طرح حاوي هو چكي هيں۔ انھوں نے هماري ظاهري وضع چھين كر هميں ظاهري چٹك مٹك والا بندر بنا ڈالا۔ اب هم انھيں كي سوچي هوئي باتوں كي ترجماني كر رهے هيں اور انھيں كے گن گا رهے هيں ، محض ايك طوطے كي طرح ۔ يه انھيں كا چھوڑا هوا شوشه هے كه مسلمانوں كي ترقي ان كے اسلام كي وجه سے متاثر هو رهي هے جو انھيں قدم قدم پر پيچھے كي طرف دھكيل رها هے ۔

     از:  محمد ناصر رام پوري، شعبهعربي جامعه مليه اسلاميه، دهلي

جامعه تعليم القرآن كے تعارف ميں سهو كتابت

شهنشاهِ قرطاس و قلم جناب مولينامبارك حسين مصباحي صاحب مد ظله

السلام عليكم ورحمۃ الله وبركاته

ماه نامه اشرفيه دسمبر 2007ئ مطالعه كي ميز سے گذرا۔ ميں نے ماه نامه اشرفيه كے اندر دورِ جديد كے متقاضي كالم اور مضمون پائے بالخصوص اكتوبر اور نومبر كے وه مضمون جن ميں مسلكِ اعلٰحضرت اور لفظ بريلوي كو بڑے مودبانه انداز ميں نقطهنظر بنايا آج كے اس دور ميں ضرورت هے اس چيز كي كے ملت كے اندر اپنے مذهب كے حسب و نسب كے اختلاف كو دور كر كے مسلكِ اهلسنت و جماعت كي حقيقت سے بد ظن قوم كو روشناس كيا جائے اور مسلكِ اهلِ سنت و جماعت كو مسلك اعلٰحضرت كے محدود ذهن والے لوگوں كے سامنے اظهر من الشمس كيا جائے۔

ماه نامه دسمبر 2007ئ ميں بھي مضامين بڑے وقيع اور اپنے دامن ميں ايك جامعيت ليے هوئے هيں اور مطالعه كے بعد ايسا محسوس هوتا هے كه جيسے ماه نامه اشرفيه آبِ زمزم سے غسل فرما كر ديده زيب لباس ميں عالمي سطح پر رونما هوا هے ۔ اس ماه جامعه تعليم القرآن ، موضع حاجي پور سنبھل مراد آباد كا تعارف هے ،اس تعارف كے سطر نمبر 20ميں ايك لفظ هے ٫٫كس مپرسي٬٬ حالانكه يه يه لفظ ٫٫كسم پرسي٬٬ هونا چاهيے اورآگے سطر نمبر 35ميں ايك جمله هے٫٫مختصر سے ايك كونے ميں تخت پر سامانِ ضروريه كتابيں وغيره ركھ كر اوپر سے پني وغيره ڈال كر بھيگنے سے بچائي جاتي تھي٬٬اس ميں جو سهو كتابت هے وه آخري حرف هے كه ٫٫تھي٬٬ نهيں بلكه٫٫ تھيں٬٬هونا چاهيے اور آنے والي سطر هے كه ٫٫ادھر خسته حال مسجد اپني تنگ داماني كا شكوه كرتي تھي٬٬ اس ميں جو سهو هوا هے  وه ٫٫تنگ داماني٬٬ هے كه٫٫ تنگ دامني ٬٬هونا چاهيئے اسي مضمون كو سپردِ قرطاس كر كے آپ تك ارسال كر رها هوں ۔

ازوسيم اكرم نفيسي، متعلم:دار العلوم وارثيه لكھنو

نوٹ:٫٫كس مپرسي٬٬ هي صحيح هے، ٫٫كسم پرسي٬٬ غلط هے۔ ﴿اداره﴾

فتاواے حافظ ملت مجھے بهت پسند هے

جناب محترم مبارك حسين مصباحي صاحب مدير اعليٰ ماه نامه اشرفيه، 

السلام عليكم ورحمۃ الله و بركاته

اميد هے كه بخير هوں گے۔ ماه دسمبر 2007ئ كا اشرفيه موصول هوا۔ ديده زيب سرورق ديكھ كر دل كو بڑي تسكين هوئي۔ آپ كا اداريه بنام٫٫محفلِ درس٬٬ميں تنظيم ابناے اشرفيه كي جانب سے هفته وارانه پروگرام كے آغاز كي خبر پڑھا۔ آپ كو اور اراكينِ تنظيم كو ميري جانب سے بهت بهت دلي مبارك باد ۔ ٫٫فتاواے حافظِ ملت ٬٬مجھے بهت پسند هے۔ آپ سے عرض هے كه آپ اس كي ترتيب و تخريج كے ساتھ عربي و فارسي عبارات كا اردو ترجمه بھي پيش كريں، اس سے مجھ جيسے كم علم كو مسئله سمجھنے ميں آساني هوگي۔ اس بار اشرفيه كے تمام مشمولات بهت هي شان دار هيں ۔ خاص طور پر مسائل و مباحث ميں مفتي محمد نظام الدين رضوي صاحب مد ظله كا مضمون ٫٫تقليد عرفي كي شرعي حيثيت٬٬ كافي مدلل هے ۔

فقط والسلام مع الاكرام

دعا گو و دعا جو:محمد تاج رضا بركاتي عطاري، جالنه، مهاراشٹر

ماهِ رواں كي مناسبت سے مضمون آنا چاهيے

مكرمي مديرِ اعليٰ صاحب قبله هديهتسليمات وافره قبول باد

 جنوري 2008ئ كا شماره اپني تمام تر رعنائيوں كے ساتھ فردوس نظر هوا۔ سبھي مشمولات نهايت مستند اور وقيع هيں ۔ گزشته كئي سالوں كے مقابل سالِ رواں ميں كافي حد تك جدت پسندي اور انقلابي نكھار آچكا هے ۔ ٹائٹل نهايت عمده اور جاذب نظر هے ۔ يهي وه طلسماتي خوبي هے جو قارئين كو زيرِ مطالعه ركھنے پر اكساتي هے ۔ آپ كا اداريه اپني مثال آپ هے ۔ آپ بلا شبهه عصرِ حاضر كے بهترين نباض هيں جسے هم آپ كے اداريه ميں محسوس كرتے هيں اور يه كسي پر مخفي نهيں هے كه رسالے كا عروج و ارتقا اداريه هي پر منحصر هے ، جو نهايت مشكل امر هے ،جسے آپ به حسن و خوبي انجام دے رهے هيں۔ مضامين ميں خصوصاً مولانا كوثر امام قادري كا مضمون معلومات افزا هے ، ليكن كچھ باتيں ادھوري رهنے كے سبب بھر پور تشفي نهيں هو سكي۔ اگر فرقه شمع نيازيه كے عقائد كے ساتھ ساتھ يه بھي خامه فرسائي كرتے كه يه فرقه في الوقت زياده كهاں پايا جاتا هے ؟ اور اپنے  دامنِ فريب ميں لوگوں كو كس طرح سے لبھا رها هے اور كس قسم كے لوگ اس كے فريب ميں آتے هيں؟ تو چار چاند لگ جاتے۔

ميري ناقص فهم كے مطابق رسالے سے متعلق چند معروضات هيں، اگر اجازت هو تو بڑے هي ادب و احترام كے ساتھ عرض كرنے كي جسارت كروں۔﴿1﴾زير نظر شماره ماه محرم الحرام كا تھا، اس ليے  كم از كم ايك مضمون عاشوره كي فضيلت و اهميت پر هونا چاهيے تھا۔   ماه رواں كي مناسبت سے ايك دو مضامين شمارے كے ليے      باعثِ زينت هوتے هيں۔ قارئين بھي دل چسپي كے ساتھ مطالعه كر كے موقع سے استفاده كرتے هيں۔ اگر آپ تھوڑي سي زحمت فرماتے تو اور زياده اهميت كا حامل هوتا ۔ اگر جگه كي تنگي تھي تو اشاريه به عنوان ٫٫ماه نامه اشرفيه 1981ئ ٬٬كو كسي دوسرے شمارے ميں دے كر زينتِ شماره بنا سكتے تھے۔﴿2﴾ نقد و نظر كے كالم ميں تبصرے كے ليے زياده سے زياده دو صفحے هونا چاهيے تاكه قارئين اكتاهٹ محسوس نه كريں۔ ﴿3﴾اس كے علاوه بيت الله قادري نے جنوري 2008ئ كے مراسله نمبر ﴿1﴾ميں جو نظريه پيش كيا هے ، موصوف كي راے سے ميں صد في صد اتفاق كرتا هوں۔ مذكوره بالا معروضات كي طرف توجه مركوز كرنے كي ضرورت هے۔

از: محمد معصوم ارشد رشيدي، متعلم الجامعۃ الاشرفيه، مبارك پور

خدا كرے محفلِ درس مفيد نتائج چھوڑے

مخلص محترم مولانا مبارك حسين مصباحي صاحب

السلام عليكم ورحمۃ الله وبركاته

الحمد لله خيريت دارم و خواهم۔ رنگ برنگے علمي پھولوں سے پر ماه نامه اشرفيه كا تازه شماره ﴿دسمبر 2007ئ﴾نظر نواز هوا۔ اداريه جس مقصدِ خير كي تكميل كے ليے لكھا گيا هے اس سے آپ حضرات كے بلند حوصلوں اور مستقبل كے تئيں عالمي سطح پر پيغامِ سوادِ اعظم پهنچانے كے جذبوں كا جوش ظاهر هو رها هے۔

حضور حافظ ملت عليه الرحمه كے مزار پر انوار پر رحمتِ خدا وندي هر دم برستي رهے جو دين و سنيت كي خدمات ميں زندگي كي آخري سانس تك سوچتے بھي رهے اور پوري زندگي اپني بلنديِ فكر سے لازوال كارنامے انجام بھي ديتے رهے ۔ آج ملك و بيرون ملك مصباحي علما كي ديني ، علمي، اصلاحي اور سياسي خدمات ميں اسي مفكر و مدبر كا فيضان شامل هے جو حالات و زمانه كے تقاضوں كے پيشِ نظر فكري انقلاب پيدا كر رهے هيں۔ پھر تنظيم ابناے اشرفيه نے قليل مدت ميں خوب كارنامے انجام ديے هيں۔ ويسے بھي فرزندانِ اشرفيه ديني و ملي كاز ميں نئي جهتيں تلاش كرتے هيں اور اپنے مقاصد كو تكميل كے مرحلے پر پهنچانے كے ليے مسلسل تگ و دو بھي كرتے هيں۔ خدا كرے ٫٫محفلِ درس٬٬ كا عمده پلان بھي اپنے مفيد اثرات و نتائج چھوڑے۔

 غلام مصطفي قادري رضوي، باسني، ناگور، راجستھان۔

 

 

 

 BACK