اپريل   2008ئ  كا عنوان              يورپ ميں مولانا روم كي حيرت انگيز مقبوليت

           مئي     2008ئ  كا عنوان                     خطباتِ غوثِ اعظم كي عصري معنويت

 

اردو نعت گوئي كي تاريخ ميں اعليٰ حضرت كا كوئي هم سر نظر نهيں آتا

 

ايك فن كار جب اپنے جذبات و احساسات كا خون كرتا هے، اپنے وجود كو حالات و واقعات كا آئينه بناتا هے، كربِ كائنات كو كربِ ذات سمجھتا هے تو اس كي انگشتِ شهادت خود اسي كے افكار كے لهو ميں ڈوبتي هے اور لهو ميں ڈوبي هوئي وه انگشتِ شهادت جب قرطاس ابيض كو داغ دار كرتي هے تو ان داغوں سے ابھرنے والے مه و خورشيد ايك عالم كو منور كرتے نظر آتے هيں۔ هر فن كار كي اپني انفراديت هوتي هے ، اس كا اپنا Visionاورنقطه نظر(Point of View)هوتا هے، اس كي اپني دنيا، اپني فضا اور اپنا ماحول هوتا هے جهاں اس كو سوچنے اور سوچ كو كاغذ پر اتارنے كے بهتر يا كم تر جيسے بھي مواقع ميسر آتے هيں ، اس كے پس منظر ميں اس كا فكري و فني سفر جاري و ساري رهتا هے۔اس فكري و فني سفر كا ايك معلوم زمانه هوتا هے جس ميں اس كے افكار پروان چڑھتے هيں ، عملي جامه پهنتے هيں ، ارتقا كے مدارج طے كرتے هيں غرض كه فن كار كي شناخت بن جاتے هيں اور اس كي يه شناخت اس كے دنيا سے گزرنے كے بعد بھي باقي رهتي هے۔۔

جهاں تك شاعري كي بات هے تو كسي بھي قوم كے نزديك اس كا مقام قومي سرمائے كے مترادف هوتا هے ، شعرا كے كلام محفوظ كيے جاتے هيں اور آنے والي نسليں انھيں اپني زبان كي سند بناتي هيں۔ عربي دنيا كي واحد ايسي زبان هے ، جس كي قديم ليكن بليغ ترين شاعري نے جهاں دنيا كي بے شمار زبانوں كو متاثر كيا ، وهيں اس سے بے شمار قوميں بھي مستفيد هوئيں۔ قديم عربي شاعري نے جديد عربي كے گيسووں كو سنوارنے ميں اهم كردار ادا كيا ۔ عربي كے بعد اردو واحد ايسي زبان هے جس كي قديم شاعري نے جديد اردو كي راهيں متعين كيں۔ دنيا كي تمام زبانوں ميں نثري كارنامے پهلے انجام ديے گئے اور نظم كي طرف توجه بعد ميں كي گئي ، جب كه اردو زبان كي ابتدا هي شاعري سے هوئي اور بعد ميں اس كي نثري شكل ظهور پذير هوئي۔ اردو كو جن شعرا نے اپنے افكارِ عاليه سے مالا مال كيا ان ميں مير ، غالب، اقبالاور فيضكے نام قابلِ ذكر هيں۔ نعتيه ادب ميں سرِ فهرست اعليٰ حضرت امام احمد رضا خاںكا نام آتا هے ۔ ان كے علاوه علامه حسن رضا خاں بريلوي اور محسن كاكوروي نے بھي اردو كے نعتيه ادب ميں بيش بها اضافے كيے۔بعد كي نسلوں ميں انھيں بزرگوں كے افكار كي تقليد اور انھيں كے دبستانوں كي تاثير نظر آتي هے ، خواه وه نسل ترقي پسندوںكي رهي هو يا جديديت اور ما بعد جديديت كے حاميوں كي۔

شاعري كا پيمانه جب صهباے عشقِ رسول سے لبريز هوتا هے تو شعر كا لفظ لفظ عالم قدس كي تابانيوں كو اپنے اندر سميٹ كر پر نور معنويت كا ايك جهان پيدا كرتا هے ، جس كي سير سے ظلمت رسيده دماغوںميں هزاروں چراغوں كي روشني بھر جاتي هے۔ يه وه صنف هے جو ازل سے جاري هے اور ابد تك اس صنف ميں كلام هوتے رهيں گے۔ اس پر نور صنف كا خالق خداے كلام هے اور كلامِ خدا اس بات پر دال۔قرآنِ كريم كي آيات حبيبِ الٰهي كي مدح و ثنا كا مرقعِ خاص هيں، ان ميں رسولِ گرامي وقار كے ليے پيارے پيارے القاب بھي هيں اور ان كے كردار واوصاف كا ذكرِ ناياب بھي۔ نعت كهنا كسي سخن ور كے ليے بڑے اعزا زكي بات هے، كيوں كه نعت ِرسول كهه كر نه صرف يه كه وه محبوبِ خدا صلي الله عليه وسلم سے اپني والهانه وابستگي كا اظهار كرتا هے بلكه سنتِ الٰهيه، سنتِ ملائكه، سنتِ انبيا اور سنتِ صحابه پربھي عمل كرتا هے۔

نعت گوئي كے حوالے سے علامه بدر القادري اپنے مجموعهكلام٫٫بادهحجاز٬٬ ميں رقم طراز هيں:

٫٫نعت گوئي كا ميدان تمام اصنافِ سخن سے اس اعتبار سے بھي مختلف هے كه اس كا تعلق ايمان و عقائد سے هے اور ذاتِ رسولِ كريم صلي الله عليه وسلم وه برزخِ كبريٰ هے جو واصل بالله هے اور شامل في الخلق بھي۔ اد ھر اس بشر كي خير البشري كا يه عالم هے كه جن و انس كي حيثيت كيا ابراهيم و كليم عليهم السلام نيازمندانِ بارگاهِ محمدي هيں۔٬٬﴿بادهحجاز از بدر القادري ،ص:24﴾

شاعري ايك فن هے ، لهذا نعتيه شعر كهنے كے ليے فن كي قدروں كا پاس و لحاظ بھي ضروري هے، ليكن نعت كا تعلق اس عظيم ذات سے هے جن كے متعلق كها گيا:ع: بعد از خدا بزرگ توئي قصه مختصر۔اس ليے ميري ذاتي راے كے مطابق اس صنف ميں فن كي قدروں كي اتني اهميت نهيں ره جاتي جتني عقيدت و محبت كي، عقيدت و محبت كي ميزان پر جس سخن ور كا دل كامياب اترتا هے، اسے بلا شبهه حقيقي نعت گو كها جا سكتا هے۔ اعليٰ حضرت امام احمد رضا كے كلام هميں يه تاثر ديتے هيں كه وه نه صرف عشقِ رسول سے سرشار هيں بلكه اس مشكل ترين صنف ميں كلام كهنے كا سليقه و قرينه بھي بهت خوبي سے جانتے هيں۔ عقيدت و محبت كے رنگ ميں ڈوبے هوئے ان كے اشعار هميں ايسے جهانوں كي سير كراتے هيں ، جهاں ملكوتي حسن اپنے لبوں پر تبسم كي بهار سجائے هر ايك كو خوش آمديد كهتا نظر آتا هے۔

قاري و سامع كے دل پر ايك گهرا تاثر چھوڑ جانے والي رضاكي شاعري كي زبان انتهائي ساده و پروقار هے اور يهي سادگي و برجستگي اسے پاني كي لكير نهيں بلكه رگِ سنگِ خارا بنا ديتي هے۔ ملاحظه فرمائيے  

بكارِ خويش حيرانم اغثني يا رسول الله پريشانم پريشانم اغثني يا رسول الله

شها بے كس نوازي كن، طبيبا چاره سازي كن مريضِ دردِ عصيانم اغثني يا رسول الله

گرفتارم رهائي ده، مسيحا موميائي ده شكستم رنگ سامانم،اغثني يا رسول الله

اگرچه مذكوره اشعار كي زبان فارسي هے ، ليكن سادگي پر دھيان ديجيے ، اشعار ميں الفاظ كي نشست و برخاست، ان كي ترتيب و تركيب، ان تمام لوازمات نے مل كر جو موسيقي خيز ماحول ترتيب ديا هے وه ايك نظر ميں نه صرف يه كه فارسي زبان كا علم ركھنے والوں كو اپني طرف كھينچ ليتا هے، بلكه اردو زبان جاننے والا بھي اس كي كشش ميں گرفتار هو جاتا هے اور ان اشعار كا مفهوم فوراً هي اس كے صفحهدل پر نقش هو جاتا هے۔

نفسيات كي ايك اصطلاح هے First Impressionيعني پهلا تاثر۔ يه تاثر بڑي حد تك انساني رويوں كي راهوں كا تعين كرتا هے۔     حدائقِ بخشش كا پهلا شعر هے  

واه كيا جود و كرم هے شهِ بطحا تيرا نهيں سنتا هي نهيں مانگے والا تيرا

First Impreesionكے طور پر قاري كے ذهن و دل كو جس طرح اپنا اسير كرتا هے، وه لائقِ تحسين هے كه قاري اس اسيري سے نجات پانے كے بجاے مزيد اس ميں ڈوبتا چلا جاتا هے۔ اعليٰ حضرت كا مذكوره شعر محبتِ رسول كا منه بولتا آئينه هے اور جهاں تك بات First Impression كي هے تو اس سلسلے ميں بھي اس شعر كا جواب نهيں۔ تكرارِ لفظي سے معنويت كا جو خوب صورت جهان اس شعر ميں پيدا هوا هے ، وه قاري كے ذهن پر ايك دير پا تاثر چھوڑجاتا هے۔ اسي طرح مزيد اشعار ملاحظه فرمائيے  

يه مٹ كے اُن كي روش پر هوا خود ان كي روش كه نقشِ پا هے زميں پر نه صوت پاے فلك

وه سوے لاله زار پھرتے هيں            تيرے دن اے بهار پھرتے هيں

اسلامي تاريخ كے مطالعه سے يه بات واضح هے كه كفار حضور اكرم صلي الله عليه وسلم كو ايذا پهنچانے كا كوئي بھي موقع هاتھ سے نكلنے نهيں ديتے تھے۔ شعراے عرب نے جب حضور كو ايذاپهنچانے كے ليے هجويه اشعار كهنے شروع كيے تو حضور صلي الله عليه وسلم كي اجازت سے حضرت حسان بن ثابت رضي الله عنه نے ان كا جواب ديا۔ آپ نے كفار كي هجو كي۔ حضورِ اكرم صلي الله عليه وسلم نے حضرت حسان كے بعض اشعار پر مسرور هو كر انھيں جنت كي بشارت عظميٰ سے نوازا۔ڈاكٹر عبد الحليم ندوي نے حضرت حسان كے ايسے بهت سے اشعار اپني كتاب ميں نقل كيے هيں۔ هم ذيل ميں چند اشعار نقل كرتے هيں  

وفربھا حكيم يوم جالت بنو النجار تغطر كالسود

وولت عند ذاك جموع فھر و سلمھا الحويرث من بعيد

لقد لا قيتم خزيا و ذلا جهيزاً باقياً تحت الوريد

﴿به حواله عربي ادب كي تاريخ از ڈاكٹر عبد الحليم ندوي،ج:2،ص:311﴾

اس سلسلے ميں تفصيلي مطالعه كے ليے ديكھيں نعتيه روايت كا عروج و ارتقا، از ڈاكٹر سراج احمد قادري،ص:71تا83﴾

كفارِ مكه كي بد كلاميوںاور ايذا رسانيوں كا جواب دينے پر حضرتِ حسان كو حضورِ اكرم صلي الله عليه وسلم سے جنت كي بشارت حاصل هوئي۔ اس سے ثابت هوتا هے كه دشمنانِ رسول كا جواب دينا بھي عاشقِ رسول كے ليے ايك اعزاز هے، چناں چه اعليٰ حضرت نے اس سلسلے ميں حضرت حسان كي سنت پر عمل كيا اور بد مذهبوں كي هرزه گوئي كا ايسا سماعت شكن جواب ديا كه آج تك ان كي زبانيں گنگ هيں۔ ملاحظه فرمائيے  

مومن وه هے جو ان كي عزت په مرے دل سے تعظيم بھي كرتا هے نجدي تو مرے دل سے

اور تم پر مرے آقا كي عنايت نه سهي نجديو كلمه پڑھانے كا بھي احسان گيا

اف رے منكر يه بڑھا جوشِ تعصب آخر بھيڑ ميں هاتھ سے كم بخت كے ايمان گيا

كلامِ رضا ميں جلوهعقيدت ومحبت كے علاوه فن كي تابانياں بھي به درجهاتم موجود هيں۔ حدائقِ بخشش كا هر شعر كسي نه كسي صنعت كا ايك بهترين نمونه هے۔ صنعتِ ايجاز كا ايك نادر نمونه ملاحظه كيجيے  

چھپ كے لوگوں سے كيے جس كے گناه وه  خبر دار  هے  كيا  كهنا  هے

اعليٰ حضرت نے جن نادر زمينوں ميں اشعار كهے وه دوسرے نعت گو شعرا كے يهاں نهيں ملتيں، مثلاً  

پھر اٹھا ولولهيادِ مغيلانِ عرب پھر كھنچا دامنِ دل سوے بيابانِ عرب

جوبنوں پر هے بهارِ چمن آرائي، دوست خلد كا نام نه لے بلبلِ شيدائيِ دوست

طوبيٰ ميں جو سب سے اونچي نازك سيدھي نكلي شاخ مانگوں نعتِ نبي لكھنے كو روحِ قدس سے ايسي شاخ

تمهارے ذرے كے پرتو ستار هاے فلك تمهارے نعل كي ناقص مثل ضياے فلك

هے لبِ عيسيٰ سے جاں بخشي نرالي هاتھ ميں سنگ ريزے پاتے هيں شيريں مقالي هاتھ ميں

اعليٰ حضرت امام احمد رضا خاں نه صرف يه كه ايك قادر الكلام شاعر هيںبلكه ايك ماهرِ علمِ عروض بھي هيں۔ عروض ميں ان كي مهارت كا ثبوت ان كا مندرجه ذيل كلام هے  

زمين و زماں تمهارے ليے، مكين و مكاں تمهارے ليے چنين و و چناں تمهارے ليے، بنے دو جهاں تمهارے ليے

دهن ميں زباں تمهارے ليے، بدن ميں هے جاں تمهارے ليے هم آئے يهاں تمهارے ليے، اٹھيں بھي وهاں تمهارے ليے

يه كلام بحرِ وافر مثمن سالم ميں هے جس كے اركان هيں مَفَاعِلَتُن، مَفَاعِلَتُن، مَفَاعِلَتُن، مَفَاعِلَتُن۔ اس بحر ميں اردو ادب ميں اعليٰ حضرت سے قبل كسي نے شعري تجربه نهيں كيا۔ بعد كے شعرا ميں بھي صرف چند ايك هي ايسے شعرا هيں ، جنھوں نے اس بحر ميں كلام كهے۔ ميري ناقص معلومات كے مطابق اس بحر ميں اب تك كل سات كلام كهے گئے هيں ، جن ميں جامعيت كے اعتبار سے سرِ فهرست مذكوره بالا نعت شريف هے جو سهل ممتنع كا ايك بهترين نمونه هے۔ اس كے علاوه مندرجه ذيل شعر ملاحظه فرمائيے  

وصفِ رخ ان كا كيا كرتے هيں، شرح والشمس و ضحي كرتے هيں ان كي هم مدح و ثنا كرتے هيں، جن كو محمود كها كرتے هيں

بحرِ رمل ميں مثنوي كا ايك بهت معروف وزن هے:فَاعِلَاتُنفَعِلَا تُن،فَعِلَا تُن، فَعِلُنفَعلَان۔ مذكوره كلام ميں اسے هر مصرع ميں  دو بار استعمال كيا گيا هے ۔ يه به ظاهر ايك معمولي بات هے ليكن اهم اس ليے هے كه اس طرح كا دوسرا شعري تجربه هماري نگاه سے نهيں گزرا۔

بحرِ متقارب مثمن المضاعف اثلم ابتر فعلن،فعلن،فعلن،فعلن،فعلن، فعلن،فعلن، فع، جسے شمس الرحمن فاروقي نے اپني كتاب ٫٫شعر شور انگيز٬٬ ميں ٫٫بحرِ مير٬٬ كها هے اور تسكين اوسط كے ذريعه اس كے 128آهنگ دريافت كيے هيں۔ اس بحر ميں بيش تر شعرا بھٹك جاتے هيں اور متقارب ميں متدارك كے اركان خلط ملط كر بيٹھتے هيں۔ ليكن اعليٰ حضرت نے جتنے بھي اشعار اس رواں دواں ليكن مشكل بحر ميں كهے، سب اپني مثال آپ هيں اور كهيں كوئي عروضي عيب نظر نهيں آتا۔

غرض كلامِ رضا كو عقيدت كو محبت كے پيمانے پر جانچا جائے يا ميزانِ فن پر پركھا جائے، هر اعتبار سے وه بے عيب اور صاف ستھرا نظر آتا هے۔ اعليٰ حضرت اپني انھيں خوبيوں كے سبب نه صرف يه كه اپنے عهد ميں ممتاز رهے بلكه اردو نعت گوئي كي مكمل تاريخ ميں هميں ان كا كوئي هم سر نهيں ملتا۔ لهذا انھيں امامِ نعت گوياں كهنا عين حق و انصاف هے۔

از:مهتاب پيامي، شعبه كمپيوٹر، جامعه اشرفيه مباركپور

 

امام احمد رضا نے هر صنف ميں اپني قادر الكلامي اور صناعي كے جوهر دكھائے هيں

 

نعت گوئي كي تاريخ اتني هي پراني هے جتني تاريخِ اسلام۔ حسان بن ثابت رضي الله عنه مشهور نعت گو صحابي گزرے هيں۔ غوثِ پاك رضي الله عنه نے عربي ميں نعتيه اشعار كهے۔ امام بوصيري رحمۃ الله عليه كا مشهور نعتيه قصيده برده شريف عربي زبان ميں هے ، جس كي بركت سے آپ كو خواب ميں حضور اقدس صلي الله عليه وسلم كي زيارت نصيب هوئي اور آپ كو فالج كے مرض سے شفا ملي۔ فارسي ميں حافظ، نظيري، قآني اور شيخ سعدي نے نعتيں كهيں مگر ان كے يهاں نعتيه دواوين نهيں پائے جاتے هيں۔ هندوستان ميں فارسي كے شاعر امير خسرودهلوي جو اردو كے پهلے شاعر كهلاتے هيں ان كے يهاں فارسي ميں چند نعتيں هيں ، اردو ميں نهيں۔ ان كے بعد قلي قطب شاه ، ولي دكني، مير تقي مير، غالب، ذوق، مومن، آتش، ناسخ اور داغ دهلوي تك اردو كے شاعروں نے چند نعتيں كهيں ۔ ان ميں سے كسي كے يهاں نعتيه ديوان نهيں پايا جاتا۔ محسن كاكوروي اور امير مينائي نے ضرور نعتيه شاعري كي طرف توجه كي مگر نعت گوئي ميں انھوں نے كوئي قابلِ قدر كارنامه انجام نه ديا۔

امام احمد رضا نے جب شاعري شروع كي تو وه استاد داغ دهلوي كا دور تھا ۔ سب سے پهلے آپ نے نعت گوئي كو اپني شاعري كا محور بنايا۔ آپ نے صنفِ نعت كو غزل، مثنوي، قصيده، رباعي اور سلام كي هيئت ميں سب سے پهلے برتا اور هر صنف ميں اپني قادر الكلامي اور صناعي كے جوهر دكھائے۔ اعليٰ حضرت كے زمانے كے اور ان كے پهلے كے شعرا ، امرا اور روسا كي مدح لكھ كر انعام حاصل كيا كرتے تھے ۔ ان كا مقصد نه تو زبان و ادب كي خدمت كرنا تھا نه هي ان كے كلام ميں خلوص تھا بلكه ان كا مقصد صرف حصولِ زر تھا ۔ اسلام ميں اهلِ دُول كي خوشامدكو ممنوع قرار ديا گيا هے ۔ اگرچه ترقي پسند شعرا نے اميروں كے خلاف نظميں لكھيں مگر ان كا مقصد اخروي نه تھا بلكه دنيوي تھا۔ جب كه اعليٰ حضرت كي شاعري كا مقصد خالصتاً لوجه الله تھا۔ فرماتے هيں  

كروں مدحِ اهلِ دُول رضاپڑے اِس بلا ميں مري بلا ميں گدا هوں اپنے كريم كا مرا دين پارهناں نهيں

اردو كے بهت سے غزل گو شعرا نے مشكل رديفوں ميں غزليں كهي هيں جب كه امام احمد رضا نے مشكل رديفوں ميں نعتيں كهي هيں جس سے ان كي قادر الكلامي كا پته چلتا هے۔ چند مثاليں ملاحظه فرمائيں  

طوبيٰ ميں جو سب سے اونچي نازك سيدھي نكلي شاخ مانگوں نعتِ نبي لكھنے كو روحِ قدس سے ايسي شاخ

نارِ دوزخ كو چمن كر دے بهارِ عارض ظلمتِ حشر كو دن كر دے نهارِ عارض

عارضِ شمس و قمر سے بھي هيں خوش تر ايڑياں عرش كي آنكھوں كے تارے هيں وه خوش تر ايڑياں

امام احمد رضا نے تلميحات كا استعمال بھي اپني نعتوں ميں به حسن و خوبي كيا هے۔ چند مثاليں ملاحظه فرمائيں  

ملے لب سے وه مشكيں مهروالي دم ميں دم آئے ٹپك سن كر قمِ عيسيٰ كهوں مستي ميں قلقل كو

خضراست گوياں العطش، موسيٰ به ايمن گشته غش يعقوب شد بينائيش در يادت اے جانِ جهاں

آپ نے اشعار ميں محاوروں كا بھي استعمال كيا هے، جيسے كليجه چير كر ديكھنا ، باج لينا، دانت پيسنا، گلے كا هار وغيره۔ ملاحظه فرمائيں  

ميرے سياف كے خنجر سے تجھے باك نهيں چير  كر  ديكھے  كوئي  آه  كليجه  تيرا

راج كس شهر ميں كرتے نهيں تيرے خدام باج  كس  نهر  سے  ليتا  نهيں  دريا  تيرا

شب بھر سونے هي سے غرض تھي تاروں نے هزار دانت پيسے

اس كا غم هے كه هر اك كي صورت گلے كا هار هے، كيا هونا هے

اكثر غزل گو شعرا نے حضرت عيسيٰ عليه السلام كو طبيب كي علامت كے طور پر اپنے اشعار ميں پيش كيا هے۔ غالب نے يوں كها  

ابنِ مريم هوا كرے كوئي ميرے دكھ كي دوا كرے كوئي

امام احمد رضا نے يوں فرمايا  

سب طبيبوں نے دے ديا هے جواب آه   عيسيٰ   اگر   دوا   نه  كرے

امام احمد رضا كے يهاں نادر مضمون آفريني بھي ديكھنے كو ملتي هے۔ جيسے:

صدقے هوں اس په نار سے جو ديگا مخلصي بلبل نهيں كه آتشِ گل پر كباب هوں

ايك لفظ پھول كو آپ نے مختلف معني ميں استعمال كيا هے جو آپ كے كلام كي جدت و ندرت كا عمده نمونه هے  

صدقے ميں ترے باغ تو كيا لائے هيں بن پھول

اِس غنچهدل كو بھي تو ايما هو كه بن پھول

تنكا بھي همارے تو هلائے نهيں هلتا

تم چاهو تو هو جائے ابھي كوهِ محن پھول

دل اپنا بھي شيدائي هے اُس ناخنِ پا كا

اتنا بھي مهِ نو په نه اے چرخِ كهن پھول

دردِ غم اور سوزِ جگر كي لذت كا مزا جو امام احمد رضا كے يهاں هے وه دوسروں كے يهاں مشكل هي سے ملے گا۔ فرماتے هيں  

آ كچھ سنا دے عشق كے بولوں ميں اے رضا

مشتاق طبع لذت سوزِ جگر كي هے

جان هے عشقِ مصطفي روز فزوں كرے خدا

جس كو هو درد كا مزا نازِ دوا اٹھائے كيوں

كاش آويزهقنديلِ مدينه هو وه دل

جس كي سوزش نے كيا رشكِ چراغاں هم كو

عربي فارسي، انگريزي اور اردو كے غزل گو شعرا نے اپنے كلام ميں خمريات كا بهت زياده اهتمام كيا هے ۔ چناں چه فارسي ميں حافظ، عمر خيام، انگريزي ميں جان كيٹس، اردو ميں غالب، مومن اور رياضخير آبادي وغيره نے خمريات كو اپنے كلام ميں خاص جگه دي هے۔ امام احمد رضا نے اپنے نعتيه اشعار ميں اس كا بھي اهتمام كيا هے۔ ملاحظه فرمائيں  

رضاے مست جامِ عشق ساغر باز مي خواهد

الا يا ايھا الساقي ادر كاساً و ناولھا

امام احمد رضا كے يهاں حسنِ تغزل بھي ديكھنے كو ملتا هے ، جس كي وجه سے نعتيه اشعار پر غزل كے اشعاركا گماں هوتا هے۔ ملاحظه هو  

سكھايا هے يه كس گستاخ نے آئينه كو يارب نظاره روے جاناں كا بهانا كر كے حيرت كا

نه روے گل ابھي ديكھا نه بوے گل سونگھي قضا نے لا كے قفس ميںشكسته بال كيا

هم تو هيں آپ دل فگار، غم ميں هنسي هے ناگوار چھيڑ كے گل كو نوبهار خون هميں رُلائے كيوں

وه سوے لاله زار پھرتے هيں تيرے دن اے بهار پھرتے هيں

موخر الذكر شعر اعليٰ حضرت كے برادرِ خورد علامه حسن رضا خاں بريلوي كي زباني جب داغدهلوي نے سنا تو بے ساخته كهه اٹھے:٫٫مولانا هو كر ايسا شعر كهتے هيں٬٬ اس طرح كے بهت سے اشعار حدائقِ بخشش ميں هيں، مگر طوالت كے پيشِ نظر اتنے هي پر اكتفا كيا جاتا هے۔

امام احمد رضا نے الفاظ كے انتخاب ميں ايسي مهارت دكھائي هے كه اس كي مثال اردو شعر و ادب ميں نادر هے ۔ هم آواز اور هم وزن الفاظ كي تكرار سے آپ كے اشعار ميں صوتي آهنگ اور سمفني(Symphony)كا قابلِ ديد رنگ پيدا هو گيا هے ۔ ملاحظه هو  

ذنوب فنا عيوب هبا قلوبِ صفا خطوب ردا يه خوب عطا كروب زدا پئے دل و جاں تمهارے ليے

جناں ميں چمن، چمن ميں سمن، سمن ميں پھبن، پھبن ميں دلھن سزاے محن په ايسے منن يه امن و اماں تمهارے ليے

سر  توئي  سرور  توئي  سر را سر و ساماں توئي جاں توئي جاناں توئي جاں را قرارِ جاں توئي

امام احمد رضا نے صرف غزل هي كي هيئت ميں نهيںبلكه قصيده، مثنوي، رُباعي اور سلام كي هيئت ميں بھي نعتيں كهي هيں اور آپ پهلے نعت كے صاحبِ ديوان شاعر هيں۔ آپ كا نعتيه ديوان حدائقِ بخشش مقبولِ خاص و عام هے۔

وه سرورِ كشورِ رسالت جو عرش پر جلوه گر هوئے تھے

نئے نرالے طرب كے ساماں عرب كے مهمان كے ليے تھے ﴿قصيدهمعراجيه﴾

گريه كن بلبلا از رنج و غم چاك كن اے گل گريباں از الم

سنبلا از سينهبر كش آهِ سرد اے قمر از فرطِ غم شو روے زرد ﴿مثنوي﴾

پيشه مرا شاعري نه دعويٰ مجھ كو هاں شرع كا البته هے جنبه مجھ كو

مولانا كي ثنا ميں حكمِ مولا كا خلاف لو زينه ميں سير تو نه بھايا مجھ كو ﴿رباعيِ اردو﴾

حمداً لك اے الٰه عبد القادر اے مالك و بادشاهِ عبد القادر

اے خاك براهِ تو سرِ جمله سراں كن خاك مر ابراهِ عبد القادر ﴿رباعي فارسي﴾

مصطفي جانِ رحمت په لاكھوں سلام شمعِ بزمِ هدايت په لاكھوں سلام ﴿سلام﴾

اعليٰ حضرت امام احمد رضا خاں بريلوي رضي الله عنه نے خود هي اپني شاعري كے بارے ميں ارشاد فرمايا۔ وه ان كے ايك كلام كا مقطع هے، جس پر ميں اپني گفتگو ختم كرتاهوں  

ملكِ سخن كي شاهي تم كو رضا مسلم جس راه چل ديے هيں سكے بٹھاديے هيں

از:اقبال اعظمي، كريم الدين پور، گھوسي، مئو﴿يوپي﴾

 

  

 BACK